حاله غريبه احيانا بتيجي للواحد
انه يفقد الحماس للحاجه جدا بعد مده خاصه بعد اما يوصل
تفتكروا دا من ايه
قله تشجيع
ولا الواحد عنده حاله نفسيه معينه
انه يعشم نفسه انه هيبقي سوبر و في الاخر يكتشف انه عاجز
عاجز عن الانجاز و التحقيق
الامر دا انا مش بشتكي منه اوي علي فكره
لاني لو فقدت الحماس بحاول احمس نفسي باي سبب و خلاص
حتي لو وهم
المهم انجز و اعرف اعمل حاجه
رغم ان كل الظروف الي حواليا حيطه سد
مهما تعبت بكسر في حجر في السجن
مافيش سكه مفتوحه
بس فيه ناس بقي السكه مفتوحه قدامها و عندها شهره و مال
و مع ذلك بتسطعبط وبتتلكع
تلاقي الفنان الفلاني مرابط قدام الفيسبوك علطول
رغم انه حط رجله في اول الطريق و ربنا من عاليه بحاجه يمكن بشر كتير محتاجينها
و مذيعه تعمل برنامج في رمضان و تختفي طول السنه
لانها بتنشغل في اغراض اخري غير الشغل
ولا لاعب الكوره الي ما تلاقيش منه انجاز غير الاعلانات
دول يا تري خاويين ليه
فاقدين اي حماس للشغل ليه اساسا
هل لانهم غير مستحقين الحاجه من الاصل
و easy come easy go
ولا الواحد بعد ما بيحقق اول جزء في حلمه بيفقد الحماس للمزيد من الانجاز
مش عارفه
و اختم قولي هذا بمثل عتيق يقول
يدي الحلق للي بلا ودان
و بس هههههههه
هناك 5 تعليقات:
انا عكس كده على فكره
يعنى انا لما بدخل فى حاجه بفضل وراها لحد اما اكملها
هى مشكلتى الاساسيه اكبر
وهى انى ازاى ابدا فى الحاجه من الاصل
انا بقي ساعات ببقي كده ومش عارف تفسيرها ايه انا فاكر فيه روايه ضخمه كنت ابتديت فيها من 4 سنين وكنت متحمس اني اخلصها وكانت من تالليفي وكنت اتفقت مع ناس هيساعدوني في نشرها وطبعها وعمال بقي اتخيل الصدي القومي لها والجدل حولها والهجوم والافتاكاسات دي كلها ولغايه دلوقتي ماكتبتش فيها الا 15 صفحه وبس وماكملتهاش وفي الاخر رحت راميها وحارقها مش عارف ليه مابقاش عندي دافع اكملها
معلش
بكره هتكوني احسن
كويس انى ليقت مدونتك
مش عارفة
طول ما انتى مع ربنا ما تخافيش
بس ابعدى صور الخفافيش D:
إرسال تعليق