ازيكم يا جماعه عاملين ايه...
اول مره ليا اعمل بلوج (مدونه) او اشارك حتي في مدونة
لاسباب كتير
اولا مكنتش مقتنعه اوي لان كان ليا مساحه التعبير الخاصه بيا في منتدي مشهور جدا غني عن التعريف
و لكن...دوام الحال من المحال
ثانيا ...خايفه و لسه خايفه لمحدش يقري لي خالص او يضيف مدونتي عنده
ثالثا ...الرقابه عالمدونات...دي اهم حاجه..يعني لو كلمه كدا الله اعلم بقي ايه هيحصل
رابعا...بقي خايفه من سرقه المحتوي
بس كل الاسباب دي اختفت لما لاقيت ان مساحتي من التعبير اتحجمت اوي عن زمان في مكاني القديم
قولت اهاجر
و ربنا يوفقني بقي و المحتوي و القالب يعجبوكوا
بس..............
هناك 3 تعليقات:
ماتخافيش يا سالي
حتى لو ماحدش قرأ في مدونتك غير بني ادم واحد
كفاية والله
حتى لو ماحدش قرأ
يكفيك متعة الكتابة
اكيد اظرف بكتير انك تحسي ان في حد سامعك وانك ما بتكلميش نفسك
بس بردو ..حلو اوي يكون عندك مكان بتاعك وبتاعك انتي بس
تحطي فيه اللي نفسك فيه من غير ما يطلعلك حد يقولك لا ولا ايه دا ولا حد يحجر على ارائك وافكارك
وكمان عشان يكون مكان تحتفظي بيه بكل اللي بتكتبيه وتعرفي توصليله وتقريه بعد سنين وسنين وتوريه لولادك وتقوليلهم انا لما كنت قدكوا عملت مدونة خدو اقرو ماما كانت بتكتب ايه :)
مبروك المدونة
ويسعدني اكون اول واحدة ترد فيها
ويسعدني طبعا اني اضيفك عندي
نورتي عالم المدونات
الله يخليكي يا فنون
بحبك والله
يللا اكتبي :D
إرسال تعليق