مش عارفه اقولك ايه

مش عارفه اقولك ايه ........

اقولك معلش ولا طيب ولا ايه

اي كلمه من دول بحسها هبله في موقف زي دا

بس كل الي اقدر اقوله

حاول تقوي عشان تعيش و تقدر تتكيف مع الظروف المتدهوره في بلدنا دي

مش عارفه اقولك ايه اذا كنت انا نفسي تعبانه جدا و اتحولت لحد عصبي

.....جايز كنت تعرف حد تاني زمان و لو عرفته عن قرب اكتر جايز تصدم لتغييره

كلنا اتغيرنا

كلنا الهم ساب فينا اثره


دا كلامي الي ما قدرتش اواجه بيه صاحب عزيز عاليا متضايق شويه لما جيت اسلم و اتكلم زي اي يوم

..............

هحكي لكم الموقف التالي و شوفو هتقدروا تقولوا ايه ليه

دلوقتي فيه موضه طالعه اسمها النوم عالعربيات و القعده عالعربيات دون ادني مراعاه للشخص و عربيته

قد ايه ممكن يكون هوا او اهله تعبوا فيها او قد ايه عزيزه عاليه او هوا بيحب شكلها يكون حلو ازاي

و انتشر برضه تكحيت العربيات بالمفاتيج عشان دهانها يتشوه

طيب

ماشي طنشنا و كبرنا دماغنا

لكن لو حد قعد علي عربيتك و فرش اكله و قعد ياكل و ياخد الشاي و مستمتع اوي

و تيجي تقوله اوعي

عربيتي........

ابسط حقوقك يعني

يزعق لك و يستاء

دا اسمه ليه

للدرجه دي وصلنا لعدم الاحساس بالمسئوليه

و التعدي علي ممتلكات الغير اصبح حق اصيل من حقوق المواطنه


تفتكروا لو حد عمل في عربيتكم كدا

صغيره او كبيره

قعد عاليها او ناااااااااااام عاليها

تعمل ايه لو شوفت المنظر دا خاصه في مواجهه ثقافه بلطجه جامده انتشرت وبقت هيا القانون

و لو زعقت او اعترضت

TWIST AND SHOT

براحتك اخبط دماغك في الحيط

لو كنت مكاني

تقول ايه لهذا الصديق في ظل ان اي كلمه هتبقي مواساه هبله !!!! و جبر خواطر مش بيحل مشاكلنا


و ما تزعلش لاني حولت الخاص الي عام لما جيت اكتب عن مشكله جايز البعض يشوفها عاديه

بس انا مش بيحركني غير المشاكل اكتبها

بقت ادمان الظاهر

من كتر ما شايفينها

تيجي نفسبك

انا كاغلب الشباب عندي فيس بوك......

لاني من الجيل دا


جيل الفيس بوك

لاكن في نفس الوقت انا مش مدمنه ليه اوي

لاني بعتبره صفحه جامده ممله بكل تطبيقاتها

عماله ابعت هدايا و مشروبات من باب التذكير بيا

بس فيه بقي ناس واخداه ضروره حياه

مره في الجامعه لاقيت بتجري ملهوفه علي كومبيوتر في الفصل

ليه يا بنتي

انا ما اقدرش ابدا يومي لما اصحي الا لما افتح الفيس بوك اعرف حصل ايه من بالليل

سبحان الله يعني هيكون حصل ايه يعني بالظبط

و بنت طول النهار بتقول لولد عندنا في الفصل


هستناك بالليل عالفيس بوك

علما ان دا قبل اختراع الشات يعني ملل لا مبرر له

و حد تاني

انا قاعد عالفيس بوك طول النهار

راحت بنت تانيه ردت عاليه بنفسبك ههههههههههههه


فسبكه هيا


و جروبات و كتابه عال wall

بس برضه حساه مش تفاعلي اوي زي المدونه او الماسنجر او المنتديات

لا متجمد و صفحه شكلها لا يتغير ابدا صفحه تعريفيه ليك عالنت و بتحط فها اخر صور اتصورتها يمكن دي الميزه الوحيده فيه خصوصيه الصور و تحديد مين بيشوفها و كدا فدا خلي ناس كتير تحط صورها عادي و منهم ستات متجوزه


و لما حد يزعل من حد اليومين دول

ديليت من الفيس بوك هههههههه

تقولش شطبته من سجل المخلوقات يعني

الفيس بوك جنون واخد حده اوي

و مش هقول سببه ايه و اقعد اعدد اسباب فارغه

السبب حاجه واحده

ان علي راي المثل

الغربال الجديد له شدة

و اشوفكم عالفيس بوك بالليل هههههههههههههه

لا عزاء للاحياء قبل الاموات

ازيكم يا جماعه عاملين ايه

انا دايما مواضيعي صادمه شويه بس دا موضوع واقعي اوي

انا النهارده صدمت و بطني مقلوبه جدااااااااااااا


ليه


لاننا مات احساسنا بدرجه غريبه اوي اوي اوي

بقينا نشوف الناس ميته او مصابه ولا نتحرك


انا النهارده مشيت جمب سيتي سنتر بالعربيه

و دا مول كبير جدا غني عن التعريف


قبل ما نوصل بخطوات


لاقيت تاكسي متدشدش و مفروووووووم بس سليم الي حد ما

هوا مفروم في ناحيه واحده


و بابا قال دا انتهي

و كان فاكره فاضي

عدينا جمب العربيه

لاقيت السواق رجله متدليه و دراعه من التاكسي

و مغمي عاليه

في عز الحر الساعه خمسه

والله اعلم ميت يمكن

وولالالالالالالالالالالالالالالالالالالالالالالالالالالالالالالالالالالا لاقيت حد ملموم

ولا حد بيبص

ولا بوليس

ولا عربيه

ولا مسعف

و لا قطه حتي معديه جمبه

و كأن الراجل راكن عادي جمب الرصيف

في حين ان العربيه مفرومه


منظر غير فكرتي عن حاجات كتير اوي

و غير نظرتي لاشياء كتيره

و ياريت كان معايا كاميرا كنت صورته




بكره بعد سنه باذن الله الجثث تترمي في الشوارع بدون دفن في البلد دي

و هتشوفوا


انتوا عمالين تقولوا برا مصر باردين و محدش بيسئل في حد

اهو حد تاكسيه مدشدش و مصاب ولا ملموم حواليه حد ولا سائل فيه


و موقف تاني

لما ماما كانت في المستشفي من شهر

الممرضات ماكانوش بيجوا يساعدوا

يا دوب يجوا يدوا الحقن و يمشوا و يغيروا عالجرح

و لما ماما تزعق حد هنااااااااااااااااااااااااا

يا ناسسسسسسسسسسسس


ولا حد بيرد


ليه كل واحد عاوز في ايده خمسه جنيه اولا


باختصار الموضوع بقي صعب اوي


الموضوع ان النخوه و الاحساس و الانسانيه نفسها اعدمت في ميدان عام





يبقي حد فيكوا بقي يقولي الشهامه


سلمولي عاليه

لا عزاء للاحياء قبل الاموات

اغنيه الاسبوع jump by van halen

I get up, and nothing gets me down.
You got it tough. I've seen the toughest soul around.
And I know, baby, just how you feel.
You've got to roll with the punches to get to what's real
Oh can't you see me standing here,
I've got my back against the record machine
I ain't the worst that you've seen.
Oh can't you see what I mean ?

Might as well jump. Jump !
Might as well jump.
Go ahead, jump. Jump !
Go ahead, jump.

Aaa-ohh Hey you ! Who said that ?
Baby how you been ?
You say you don't know, you won't know
until we begin.
Well can't you see me standing here,
I've got my back against the record machine
I ain't the worst that you've seen.
Oh can't you see what I mean ?

Might as well jump. Jump!
Go ahead, jump.
Might as well jump. Jump!
Go ahead, jump. Jump!

طال الغياب

كل ما انوي ارجع ياجماعه

جهازي يجري له حاجه

مره الباور يتحرق

و مره الهارد يتحرق

وكترالحرق دا ان دل علي شئ

فبيدل ان جوده الصناعه العالميه قل كتير فعلا

من حيث جوده الخامات نفسها و جوده التصنيع

والرقابه عالجوده بقي


وسلمولي عالصين ههههههههههه

و رغم ذلك هما ناجحين جدا

ناجحين في تصنيع كل الاجزاء دي

ناجحين في اقناع العالم ان مش لازم اليابان ولا غيره لتصنيع الاليات الدقيقه

لالالالالالالالالا احنا احسن من غيرنا كتير

بذمتكم مش دي لوحدها تستاهل الحسد

خاصه مع افلاحهم في اغراق السوق

عقبال العايزين

عندما تشعر بالخواء في دماغك

حاله غريبه احيانا بتيجي للواحد

انه يفقد الحماس للحاجه جدا بعد مده خاصه بعد اما يوصل

تفتكروا دا من ايه

قله تشجيع

ولا الواحد عنده حاله نفسيه معينه

انه يعشم نفسه انه هيبقي سوبر و في الاخر يكتشف انه عاجز

عاجز عن الانجاز و التحقيق

الامر دا انا مش بشتكي منه اوي علي فكره

لاني لو فقدت الحماس بحاول احمس نفسي باي سبب و خلاص

حتي لو وهم

المهم انجز و اعرف اعمل حاجه

رغم ان كل الظروف الي حواليا حيطه سد

مهما تعبت بكسر في حجر في السجن

مافيش سكه مفتوحه

بس فيه ناس بقي السكه مفتوحه قدامها و عندها شهره و مال

و مع ذلك بتسطعبط وبتتلكع

تلاقي الفنان الفلاني مرابط قدام الفيسبوك علطول

رغم انه حط رجله في اول الطريق و ربنا من عاليه بحاجه يمكن بشر كتير محتاجينها

و مذيعه تعمل برنامج في رمضان و تختفي طول السنه

لانها بتنشغل في اغراض اخري غير الشغل

ولا لاعب الكوره الي ما تلاقيش منه انجاز غير الاعلانات

دول يا تري خاويين ليه

فاقدين اي حماس للشغل ليه اساسا

هل لانهم غير مستحقين الحاجه من الاصل

و easy come easy go

ولا الواحد بعد ما بيحقق اول جزء في حلمه بيفقد الحماس للمزيد من الانجاز

مش عارفه

و اختم قولي هذا بمثل عتيق يقول

يدي الحلق للي بلا ودان

و بس هههههههه

اغنيه الاسبوع Fire by yngwie malmsteen

Born with the fire in my blood,

Can't live without it.

Something that gold can never buy.

It doesn't matter who you are,

Or what your thinking,

If you believe in what you try.

Feel the fire,Your burning desire.

Fire, I'm burning up with fire

Fire, feel it burning higher

If you are rich,

or if you are poor,

There is no difference,

It's still in what you're fighting for.

If you are strong you will survive,

You'll feel the fire,

Burning on forever more.

Feel the fireYour burning desire

Fire,

I'm burning up with desire

You never play with fire.

Fire,

I'm burning up with desireYou never play with fire.

عدت بعد طول انقطاع

فيه اوقات بتعدي عالينا في الدنيا بيبقي اسمها dark days بيبقي عاليك زي لعنه معينه او زي نحس معين

بتلاقي كل حاجه اتلخبطت كدا و تدبيراتك كلها فشلت و الجو كله فجاه بقي مكهرب

و بتلاقي انك دخلت في دوامه من المشاكل الي الحمد لله صغيره بجد ولا تضر اوي و مشاكل ممكن تحصل لاي حد بس مؤلمه

و انا في الفتره دي كنت في coma

مش بكلم حد كتير

مش بتمرن جيتار بنفس اساسا يوم اه و يوم لا

و مش بكتب في المدونه هنا

وماليش نفس حقيقي لاي حاجه

حتي النوم مش بيجي

بس لما بتعدي من النفق المظلم

و بتخرج براه

بتشوف كانك كنت نايم و صحيت

قعدت اقول يا ربييييييييييي احنا بقينا يوم اربعه يوليو

الي فات دا كله فين

هههههههه

يالا مش مهم

المهم الي جاي

نواجه الي جاي

و نعيش الي جاي

فانا جيت اهو

و رجعت اكتب تاني

اغنيه الاسبوع -free -quiet riot

You criticize the way I talk, You can?

t know how I feel, yeah yeah yeah

.I sympathize with your dark nature,

you don?t know what that takes no no noIts? a matter of time now can?t you seeBefore I turn to your dark enemyI hear a voice that?

telling me

I?m free, free of the drama,

free from the karma,

free of the beastFree,

out of my head free of the dread,

the moment we met

You can?t invade your tired old demons

I won?t commiserate no no noYou suck the life out of every room

how much can I take I don?t knowLike a flower that burns you to the touchIts?

so beautiful but takes so muchOf the life inside of me

تفتكروا الللهفه عل الجواز في البلد دي سببها ايه

اولا انا ملاحظه حاجه غريبه اوي اننا رغم اننا في ظروف اقتصاديه ما يعلم بيها الا ربنا سن الجواز صغر اوي و بقي 17 فما فوق مع ان 17 طفله اصلا والله لما تتجوز و بعد عشرين سنه تفوق و يبقي عندها 37 تلاقي العمر عدي و تلاقي نفسها شبابها انتهي بدري اوي ممكن فكرها و مشاعرها تتغير و ملاحظه ان الي في العشرينات بقيت عانس 25 و ما فوق مع ان في السبعينات كان الكلام غير كدا اصلا و دا في وجهه نظري لاننا رجعنا لورا شويه و حتي الي معاهم الفلوس طبقات غريبه اوي و ليها مفاهيم القريه و عايزين يفرضوها عالكل و ملاحظه كمان ان البنت مبقتش تنقي اساسا حتي لو اتقدم ليها راجل عمره 50 بتجري تاخده ولا عيله بقت بتنقي و تسال طلع نصاب بقي طلع اخلاقه منحله طلع حرامي مكش مهم المهم البنت اتجوزت و جابت الطابور المنتظر و ملاحظه ان البنت بقي يتنظر لها علي انها وعاء و مكنه خلفه و ارنب و مالهاش نفس تنقي اي راجل حتي لو قرد مالكيش حق ترفضيه انا بقي و بعد كل الظواهر دي سؤالي لماذا نتزوج ايه الدوافع الي خلتك تقرر كدا او تقرري كدا هل بتتجوز عشان تستقر و تبطل تقضيها ولا عشان سنه دينيه و تحب توفيها ولا عشان خدامه هتعمل لك لقمتك و تمسح الجزمه و تغسل هدومك و لا عشان وعاء او ارنب يجيب لك العدد المنتظر من عيالك ولا عشان تلاقي شريك يونسك في حياتك و تتسند عاليه و يبقي رفيق طريقك(قليله دي بس لو عن حب بيبقي دا السبب) ولا عشان الحاح الاهالي و تنبيطهم انك عانس و صايع و عشان حبيت و اخترت تكمل مع انسان معين بقيه عمرك و انتي يا بنت او يا بنات هل بتتجوزوا هربا من جحيم العنوسه ولا عشان تنبيط و زن الاهالي ولا عشان تجيبي ولاد تربيهم و يملوا حياتك ولا سنه دينيه ولا عشان العفه و اكمالها و لا عشان تلاقي راجل يصرف عاليكي و يأكلك لو ظروف اهلك صعبه ولا عشان تحسي انك مرغوبه و اهو راجل اخدك و تقدري دلوقت تتفشخري علي زميلاتك الجواز مصلحه صرفه لو انه تم عشان غرض الخدمه او الفلوس او كدا و ممكن مش يدوم لو بالاسلوب دا بيع و شراء و للعلم انه نسبه الطلاق في مصر عاليه بطريقه غريبه جدا هل دا بسبب نظره الرجل المتدنيه للمراه علي انها ارنب ووعاء و بس ولا عشان ظروف الحياه الصعبه المابيبقي حديث الازواج طول النهار مصروف البيت تمن الاكل مصروف العيال ولا عشان تدخل الاهالي و لا عشان كان اصلا لمصلحه و قضيت جبرت يعني ولا عشان احنا بقينا ضميرنا رايح و ميت اوي كدا هناك اسباب كتيره للجواز لدرجه انه بقي هاجس و شبح المصريين الي بيطاردهم علما بان الفطره السليمه بتقول انه مافيش مخلوق يكره الجواز و نعمه الاستقرار اطلاقا كل الناس تحبه و تعوزوا بس مش لدرجه نرمي البنت علي اي كلب مش بتطيقه تحت حجه العمر و القطر و الاتوبيس و في الاخر الولد يا نصاب يا اختلس عشان يتجوز عشان امه حجابت له واحده و السلام و البنت الي تبطل تخش النت تغير لبسها و كل حاجه لغرض واحد تتجوز و السلام لدرجه اننا وصلنا لمنحدر الغش و الخداع من بنات كتير بقت تلبس الحجاب مش عشان ربنا لا عشان يرضي بيا اسيب دراستي العليا عشان مش راضي و هكذا بقي تنازلالالالالات للصبح و ممكن في الاخر يبقي الرجل صعب الارضاء جدا اعترف بجرائتي لما كتبت الموضوع دا و اعترف ان بعض العقول المريضه هنا ممكن تقول اني ضد الجواز لكن انا بس مستغربه للهفه الي وصلت لحد الهوس عشان تتجوز BEG BORROW OR STEAL اسرق استلف او اشحت مع ان لو هدينا شويه SLOWED DOWN ممكن ربنا يبارك جوازتنا و ييسرها عن كدا علما بان الرجل المصري صعب الارضاء جدااااااااااااا و مش بييعجبه العجب و عايز زوجه تفصيل بالسنتي متر و مش ممكن يتنازل و البنت المسكينه البايره حتي لو جميله تقدم التنازلات انا عارفه امهات العرسان بيفكروا اازاي بعضهم غيورات جداااااااااااا لدرجه الحقد فلانه حلوه اوي يا محمد او يا علي مش هنعرف نسيطر عاليها و نحكمها بلاش تاخدها عشان مش تركبك فلانه اعلي منك تعليما اوعي دي بقي هتتسيد عاليك فلانه امها وحشه اوي و بكرهها لا يمكن ارضي لك بيها و ما اسباب الكره يا سيدتي مجرد غيره بين امرائتين انا اعرف واحده في كليه ماما ما عزمتش زميله ليها و بناتها عشان حلويين و مش عايزه ابنها يتجوز من البنات دول او فلانه اهلها مطلقين تبقي منحله بلاش تعنت الاهل زياده الطلبات الرجل المصري صعب الارضاء لدرجه المرض البنات تاريخ صلاحيتها منتهي بعد 25 (البدعه الجديده) كل الاسباب دي خلقت لهفه عقده اقبال عالنصب و الاختلاس لتلبيه الطلبات زياده تسلط من الرجل زياده غش من الست المهم الكولكيعه دي حلها بسيط اوييييييييييي و في ايدينا تقوي الله نعامل ربنا في الناس مش بلاش تاخد دي عشان حلوه و هتركبك بلاش دي لاني بكره امها الطلبات كتيره جدا اوي الواحد عايز زوجه تفصيل زي الجوانتي لو غيرنا كل دا العمليه هتبقي ايسر كتير اسهل كتير و ربنا هيبارك اوي والله ايه يعني لو الواحد اخد واحده حلوه اوي مش جايز تطلعش ملاوعه و مطيعه و فعلا عايزه تعيش ايه اما تاخد واحده معاها دكتوراه يعني هيا مش هتديك محاضرات ايه يعني لو البنت تصلح و حلوه يبقي مش مهم الخلافات مع الام الحقد و الغيره التافه احب اقول ان الرجل المصري الصعب الارضاء جدا دا عيوبه كتيره شويه اهله و تدخلهم لو شاف البنت عالنت يشك فيها و يغير عالفاضي عايز يشكل الواحده و لبسها و حياتها مش يتقبلها كما هيا اتق الله يا صعب الارضاء جدا و انتا تلاقي الحياه احلي و هتلاقي كتير يصلحوا لجنابك المصون و ساعتها البنات مش هتجري تترمي تحت رجلين اي حد ممكن يضربها و يذلها و يضربها شلوت بعد قضاء مصالحه منها و يطلع نصاب ولا قليل الاصل و الطلاق بعد سنتين و ساعتها الطلاق و نظرته المحرقه للست spinal tab حلقه مفرغه و فيها بندور بس انا بعيش في عالم وردي لان المجتمع المصري يتجه من سئ الي اسواء ولا رغبه عنده في التغيير ولا تحكيم للعقل اصلا مثلا البنت دي عاقله و مؤدبه و كل حاجه بس بتكتب عالنت الرجاله بيقروا الكلام و بيردوا و كأن الرد حرم و دا يبقي سبب يعنسك و لازم تروحي تترجي عفو مدير المنتدي يمسح دليل الادانه المشين النقطه السودا في عمرك ام العريس فرعون زمانها لازم تترمي تحت رجليها حتي لو الي بتعمله دا مخالف للدين اصلا و هكذا انا طولت عاليكو بس اقول يا كل لاي عمل مواضيع عن الجواز احنا مجتمع فرجه و بدعه و عقدنا الدنيا و كلكعناها رغم ان ربنا يسر الدنيا يسر مش طبيعي يسروا ولا تعسروا المشكله انكم مجتمع عسر و المشكله الاكبر ان المجتمع دا انا و انتا و عمي و خالي نعايب و لا رغبه لنا في التغيير ارجوكم الجواز دا اسمه زوااااااااااااااج مش موسم تزاوج زي الطيور و الحيوانات و النخيل اسموا بمعناه شويه يتيسر ليكم اوي و ربنا يرضي اوي لكن انا بكلم مين هواه التعسير و الكلكعه اتقوا الله و هيا تصفي اوي و اخيرا سؤالي هكرره ايه دوافعكم الحقيقيه للجواز انا شخصيا عايزه الاقي سند و حد يواجه معايا الدنيا و يكون رفيق طريقي بس حماتي حماتي حماااااااااااااتي لكي حبي و فؤادي فدا سبب خيالي حبتين هبقي لما اجي اتخطب همسح كل مشاركاتي من هنا علي فكره

الحياه حلوه بس نفهمها

ايوه يا دنيا ايوه كدا عمري ما شوفتك حلوه كدا
الحياه بقي لونها بمبي و انا جمبك و انتا جمبي
سوق علي مهلك سوق بكره الدنيا تروق
وردي وردي وردي وردي لالالالا
الخ.... :lol:

الاغاني دي يا جماعه لما بسمعها بقول حاجه
يا اما الناس العواجيز القدام دول كانوا دمهم ساقع و جبلات و بياعين كلام
يا اما الدنيا علي ايامهم كانت جنه عالارض
بس ازاي
و مصر في مشاكل من حرب 56
انا بصراحه انا بحس ان الي بيكتبوا الاغاني القديمه دول يا اما قاعدين عل المصطبه في الطراوه طول اليوم و نايمين و مش حاسين بالدنيا
يا اما الحياه ايامهم كانت وردي وردي وردي وردي لالالالا

انتو رايكو ايه في الموضوع دا

انك تكون نفسك ...ههههههههه موت احسن

انك تكون نفسك دي اصعب حاجه في الدنيا لانها معركه بتبدا من الصغر و بتستمر بطلوع الروح اول حاجه بابا و ماما عايزينك دكتور او مهندس او ظابط او مذيع لازم ياض تخش علمي لو دخلت ادبي الويل و الثبور و عظائم الامور تعملها و تطلع حايب بليد تدخل ادبي متقبلين علي مضض يغصبوا عاليك جامعه انتا كارهها و كليه انتا مش طايقها تفوت ياض قوم صلي حاضر و تنام تصلي قيام الليل الواد شكله بيروح مساجد التيارات يا بهيه تعالي نعقل الواد تمارس هواياتك بقي البوز شبرين تلاته لو كوره كوره يا صايع يا قليل الحيا لو مزيكا مزيكا يا صايع يا ضايع دي شغلانه الناس الي مش هيا لو رسم انتا بتضيع وقتك في شخابيط يا حيوان لو كتابه كتاباتك يا ولدي مش زي احمد شوقي و مش هتأكلك عيش موديلينج موديلينج يا خايب دي شغله الي مش رجاله اما للبنت تصفيه دمويه ان مارست احد الهوايات اعلاه طبيخ لو للولد دي شغله حريم يابني انتا تقعد اسد و مراتك عالجزمه تطبخ لو بنت يووووووووووووووووووووووووووووه هتحرقي المطبخ و الاكل و الدنيا سياسه و احزاب هتروح ورا الشمس اما لو بنت بكعب الجزمه فوراااااااااااااااااااااااااااااااااا تكتب في مدونات الله يخرب بيتك بقيي نيجي بقي للصحاب انتا بتسمع راب انتا تافهه دي موسيقي مدمنين و زنوج انتا بتسمع روك و ميتال انتا مجنون و بتشرب دم و بتاكل صراصير و خفافيش و بتعوي لما القمر يطلع انتا بتسمع بوب ميوزك مافيش مانع بس مثلا بلو مش جامدين باك ستريت بويز اجمد او بويزون ايه يا عبيط دول انتا بتسمع بلوز او جاز او اوبرا كلاسيك بقي يحطوك في المتحف متحف التاريخ الطبيعي مع الدينصورات انتا بتسمع اسباني انتا عايش في الدور و عامل مكسيكي رايح اسبانيا يا خي انتا بتسمع عبد الحليم و ام كلثوم انتا دقه قديمه و طالع من سنه 60 تسمع عمرو خناقه عن تامر تسمع تامر عمرو ما فضلش غير منير الحمد لله انتا اهلاوي الزمالك جامد انتا زمالكاوي الاهلي دايما بيكسب و انتا مش بتفهم في الكوره اما الفرق الاجنبيه لسه ما شوفتش مشاكل حواليها بس الاهلي غالبا فاكره اننا بنشجع كائنات من زحل في اللبس بتلبس اسود علطول انتا نكدي و بايخ بتلبس جلابيه قصيره بيضا انتا وهابي ارهابي بتمشي بالشورت قليل الحيا اما البنات نمشي بجلابيه البيت و نرتاح احسن بقي لا تعليق لا الي لابسه اسدال عاجبه حد ولا حتي غير المحجبه ماشي حاطط اي بود انتا مستهتر و مكبر الجمجمه ماشي ماسك مصحف انتا منزمت الشاب او البنت من دول بقي يضطروا يقعدوا عالنت هيا الي فاضله في ظل ان التليفزيون اهبل انتا يابني/انتي يا بنتي عالنت ططول النهار قوم اقعد معانا قعدنا خناق نقار حوالين المستقبل مش لاقي شغل انتا مقصر و صايع شغلك وحش اقعد فيه سبته حد لاقي شغل طبعا لشاب او البنات بعد كل الكلام دا الواد يسرح في الشارع مع المخدرات و البنات نايمه طول اليوم قاعده بتاكل لحد اما بقت فيل ماشي و احيانا بنات بتمشي غلط برضه ما عالينا خلاصته نعمل ايه انا نفسي كرهت عيشتي و هواياتي و كل حاجه و باقيت نايمه طول اليوم يا عالنت من القرف داااااااااااااااااااااا حتي الي بحبه مسنكترينه طب نهبب ايه بعد كل السم البدني دا نلاقي نفسنا كان غيرنا اشطر

اغنيه الاسبوع

Artist(Band):The Beatles

Help, I need somebody,Help, not just anybody,

Help, you know I need someone,Help!

When I was younger

, so much younger than today,I never needed anybody's help in anyway

.But now these days are gone,

I'm not so self assured

,Now I find I've changed my mind,

I've opened up the doors

.Help me if you can, I'm feeling downAnd I do appreciate you being 'round.

Help me get my feet back on the ground,

Won't you please, please help me?

And now my life has changed in oh so many ways,

My independence seems to vanish in the haze.

But every now and then I feel so insecure,

I know that I just need you like,

I've never done before.Help me if you can,

I'm feeling downAnd I do appreciate you being 'round.

Help me get my feet back on the ground,

Won't you please, please help me?

When I was younger, so much younger than today,

I never needed anybody's help in anyway.

But now these days are gone, I'm not so self assured,

Now I find I've changed my mind,

I've opened up the doors.

Help me if you can,

I'm feeling downAnd i do appreciate you being 'round.

Help me get my feet back on the ground,Won't you please, please help me?

Help me,Help me,Ooooooo.

طبعا بعضنا او كلنا مهتم بالاحداث الاخيره الي حصلت في لبنان و طبعا الاعلام اتطور لدرجه نقل الاخبار عالهواااااااا و الاحداث عل الهوا و مبقاتش نشره الساعه تسعه بالليل الي بيقراها خيري حسن هيا الي بتوصل لنا الاخبار(كانت ايام حلوه) كل موظف فتح له قناه حتي و العمليه سهله جداااااااااا اسهل من الاكل و للي عنده دش و طبعا معظمنا عنده ادي دليلك عزيزي المشاهد لمتابعه الاحداث: nbn قناه حركه امل و بوقها العالي متحيزه جدا للمعارضه و حسن نصر... و ما يفعله العربيه اتهمتها ال nbn و المنار بان تمويلها مشبوه و كانهم لا يعلمون ان تمويلها سعودي طبعا يعني العربيه متحيزه اكثر للموالاه و للحكومه الحاليه نيو تي في (تليفزيون الجديد) للامانه اجدها محايده شويه عائمه لا وجهة لها و لكن انا شايفه فيها تحيز لوليد جنبلاط شويه و لكنها ليست بوق و دي اكتر قناه انا بتابع منها الاحداث المنااااااااااار في قلب الحدث يا عيال قناه حزب الله ذات نفسها حزب الله قدر يخرس الصوت المعارض صوت تيار المستقبل عشان الميكروفون يبقي ليه لوحده و ياكل الجو لوحده قناه الفيوتشر تي في (المستقبل) اسكتت فور بدأ الاحداث فلا تقدر ان تعرف اصلا ما وجهه نظر تيار المستقبل في حزب الله و العكس موجود ان تعرف وجهه نظر حزب الله في المستقبل قناه الجزيره اجدها متهكمه علي الجهود العربيه و علي اي قمه و متهكمه علي الحكومه و موقفها يعكس موقف قطر المنحاز في اللحظه لسوريا(حد يفهمني جنس مله القناه دي ايييييييييييييه محدش عارف لها تيار) بس محايده شويه عن العربيه في الفتره دي تي في ليبانون (تليفزيون لبنان الوطني) طبعا بتاع الحكومه و شغال اغلب الوقت برامج ترفيهيه و ساكت و يادوب الخبر العاجل و النشره وبس بمعني اصح مكبرين الجمجمه ال بي سي lbc تلزم الصمت تماما لدرجه انهم عملوا برايم ستار اكاديمي امبارح في منتهي الهدوء و لكنها طبعا ترمزو تعكس الموقف الماروني الصامت حتي الان و ركزت علي تحرك امين الجميل امبارح و دلوقتي بعد الي قولته دا كله انا مش مقتنعه بوجود اعلام محايد دا اعلام الستينات الشمولي عل الاقل كنا عارفين دا تبع مين انما الان كل قناه هيا بووووووق لحزبها و بس لا اكتر و بيني و بينكم انا بشوف التغطيه علي التليفزيونات كلها بس لما بحب الاقي كلام محايد بنسبه معينه بفتح التليفزيون المصري (من غير التحليل الاخباري) و الاخباريه السعوديه ساعات ووووووو النيو تي في تليفيزيون الجديد لانه ارحم من غيره شويه موضوعي دا صعب المرادي و دمه تقيل بس انا بسئل سؤال واحد بس هل الاعلام المحايد وهم ولالا ايه رايكم في الموضوع دا و بتابعوا اي اخبار في انهي قناه اليومين دول مين بيعجبكم اكتر و بس ......

الاكل من برة...

زيي زي شباب كتير

احب الاكل من بره جدا

لانه اكل خفيف مش معقد و مليان كلاكيع زي اكل البيت و طعمه كمان حلو بحسهم بيعرفوا يطبخوا دا غير طبعا لو قعدنا 100 سنه مش هنعرف نعمل بيتزا

بس اليومين دول الواحد بعييييييييييييييييييييييييييييييييد جدا عن الاكل من بره و بقيت احسه شبح مخيف ...حاجه تخوف يعني

سمعت الصبح علي قناه دريم مناقشه عن عجز وزاره الصحه عن مكافحه الغش

و جت في الوسط سيره الفراخ.....

اكتر حاجه احبها

و طبع المذيعه بتؤكد انهم بياخدوا الفراخ النافقه في المزارع يدبحوها و يوردوها للمطاعم باسعار مخفضه جدا عن تكلفه الفراخ السليمه

طبعا سمعت الكلام دا من هنا

بقيت ابص للمطاعم بقرف من هنا

اضف الي ذلك

مشكله لحم الحمير

و الجاموس النافق

يعني يبقي يا ربي لا فراخ ولا لحمه طب ناكل ايه بقي ان مكنش شاورمه و فراخ بانيه:(

حراااااام

بجد بسبب الغش المتفشي اليومين دول الواحد بقي خايف من المطاعم جدا

خاصه مطاعم الوجبات السريعه

لان الله اعلم بمصادر اكلهم جاييه منين

خصوصا ان التسممات كترت اليومين دول في البلد

و الواحد مش حمل تجربه مواجهه الموت كمان

افرض ما عرفوش ينجدوني

علي فكره

سمعه الغش دي انعكست عالمطاعم جدا

و بشكل ملحوظ للغايه

لدرجه اني لما كنت في الفود كورت بتاع سيتي ستارز النهارده

لاقيته علي غير العاده فاااااااااااااااااااااضي

بينش

و درجه النش مختلفه

مثلا بابا جونز و وصايه نش نهائي

مؤمن و ماكدونالدز و كوك دور اقبال طفيف

و مطاعم الاكل الاسيوي شغاله نباتي

يبقي فاضل ايه

الله يرحم

دا كانت امم و طوابييييييير عالفود كورت دا حتي الساعه 12 بالليل و كنت تلاقي طرابيزه بالخناق و العافيه دا اذالاقيت

و دلوقتي 100 ترابيزه قدامك اقعد مطرح ما تحب

و كمان ارتفاع الاسعار الهايل

هيخلي نسبه البيع تقل اوي

لان الناس هتجيب تموين الشهر بتاع البيت ولا اكل بره

فطبعا المخزون هيبقي عالي

و بالتالي احتمال الخامات الفسدانه اعلي من زمان

لما كان الاستهلاك شديد

الناس بتقول

فراخ ميته

لحم حمير

سمك فاسد تماما و جمبري فاسد و مجمد اوي

يبقي اين الامان بقي

دا اذا كانت الحليوات و الكيك راكده اوي

نروح نجيب كيك او كرواسون مره في الشهر مره مش كل يوم

نلاقيه ناشف زي الخشب

يبقي كدا حرام ولا حلال

و طبعا هنا في بلدنا ما يرموش اييييييييي حاجه و لو بعد 100 سنه

الله يرحم الطوابير الي كانت علي مؤمن من سنه بس مش اتنين

دلوقت بقت طوابير عالمخايز بسبب الاولويات الضروريه

و طبها محلات الجاتوه الحلواني يعني خارج قائمه انتباه المواطن المصري اساسا من اصله

رحمنا الله اليومين دول و رأف بنا بقي

و ربنا يستر

الواحد بقي عايش عال tins المحفوظه

اضمن شويه

و بس........

اغنيه الاسبوع

EVERY WEEK I AM GONNA PUT THE LYRICS FOR A SONG WHICH I LIKE VERY MUCH

HOPE U ENJOY IT

كل اسبوع يا جماعه هحط كلمات اغنيه انا بحبها جدا و هبقي زي باب اسبوعي كدا.....

Bad Attitude :Deep Purple

• 
  take a look atthese dirty hands
• take a look at this face these blazing eyes
• do you see me as a broken man
• tell me
• are you really that blind
• you got yourself a load of trouble now
• you got yourself a bad deal
• you say i've got a bad attitude
• how d'you think i feelyou got me locked in a paper cage
• you think i'm chained up but i'm just tied down
• step aside get out of my wayi won't hurt you
• i had enough being pushed around
• you got yourself a load of trouble now
• you got yourself a bad deal
• you say i've got a bad attitude
• how d'you think i feel
• don't want a number i got a name
• take a look at my face
• talk about a bad attitude things have got to change

مجتمعين مع بعض علطول

لما دخلت الفضاء البلوجي ...اقصد التدويني

لاقيت معارف كتييييييييييييييييييييير من ايام منتدايا القديم

اتشجعت و حسيت اني مش غريبه

رغم ان المدونات اكتر من الهم عالقلب..

و انا كل علاقتي بيها

مدونات الاغاني و الالبومات

عشان انزل الاغاني الي عايزاها

انما مدونات شخصيه

ما سبقش و قريت قبل كدا

بس لما كل اعضاء المنتدي عندنا

هاجروا زي الطيور المهاجره

و عملوا شبكه مدونات

و كله ضايف بعضه

ابتديت احس بالونس زي ما بيقولوا

و اتجمعنا تاني بصوره تانيه

زي ما في المنتدي كدا

لقد احترفت التدوين..

اخيرا بعد سنين من تجربه الكتابه عالمنتديات

و دي في حد ذاتها خطوه مكنتش احبها لان دايما كتاباتي و افكاري ليا انا بسسسسسسس محدش يطلع عاليها

قررت احترف التدوين

خصوصا ان فراغي كبير شويه

و بقعد عالنت بالساعات احيانا

فخلي للساعات دي فايده بقي

بس من عيوب التدوين

احتراف الكلام

و ادمانه

و ساعتها بقي

انا خايفه ما اعملش حاجه

غير الكلام...

حساسه زياده حبتين..

كتير من اصحابي القريبين بيشتكوا من عيبين جامدين اوي عندي...

اولهم النت البايظه الي عندي..مش مهم

ثانيا اني حساسه زياده اوي...

انا مش قادره احدد بالظبط قد ايه انا حساسه

لان الواحد ياما شاف في الدنيا و مش ناقص صدمات اكتر من كدا بجد

صدمات في الناس

صدمات في احلامه

صدمات في توقعاته

بصراحه كدا

بقيت خايفه شويه

و طبعا اكتر حاجه بخاف منها صدماتي في الناس

صحيح مش بتبقي جامده اوي

لان انا مش متوقعه ان حد ملاك

بس بخاف اوي

من التغيير عاليا

من هجر و تجاهل صحابي

حاجات كتير

بس اعمل ايه

هيا الدنيا كدا

و اغلب الناس بقيت تعرف بعض عشان المصلحه و بس

بس برضه مش هظلم الكل لان ربنا اداني شويه صحاب كويسه لسه بتخاف عاليا و علي مشاعري و بقالي معاهم وقت كويس ما اتغيرناش علي بعض...

و ربنا يديم المعروف

فاكيد الحساسيه دي ليها اسباب عندي

و اسباب قويه

اضف الي ذلك

شخصيتي نفسها كدا

حساسه زياده شويه

بحاول اغير دا و اكبر مخي

بس هاخد شويه وقت علي ما اتماسك و اتغير و ابقي

مكبره الجمجمه :D

او بلغه اليومين دول

مكبره الجي

و مروقه الدي

بس صعبببببببببببببببببببببب

سالي تتحول بين يوم و ليله لحد بارد مش بيحس او ممكن يجرح حد

بس مين يا عارف قساوه الظروف المحيطه او معامله الي حوالينا ممكن تغيرنا قد ايه

و ربنا يستر.......

بني ادمين مع وقف التنفيذ...بني ادمين مع وقف التنفيث

بصراحه العنوان معبر جدا عن ناس كتير مكبلين معبر عن حد عايش حاله العدميه الفظيعه دي و انا بقي هتكلم عن وجهه نظري في عنوان الروايه الي شدني رغم اني لسه مش قاريتها للاسف انسان بيحلم و حي مش ميت يعني لسه فيه الروح و اكيد عنده طموحات بس مكبل بقيود كتيره اوي مش متوهمها قد ما شافها بعنيه و جرب نارها منعته من تحقيق احلامه دي حسسته ان عمره راح هدر خلاص و ان مهما حفر في الصخر خلاص هيحفر علي كبر يعني ياريت it's not too late to make it خلاص لما شاخ ودوه الكتاب زي ما بيتقال و المصيبه ان مع الوقت الطموح بيموت اوي و خلاص حتي المبادره مش بتحب تاخدها بمعني اصح انتخت و بلطت في الخط و لو فكرت تاخدها جمعيه عشاق الاحباط تقف تشجعك و توجب معاك احلي واجب و تقضي وقتك في بيتك واكل الله يلعن الاكل عشان تتسلي نايم الله يلعن النوم عشان اليوم يقصر شارب عشان حلقك مش ينشف بس بتتنفس عشان دي غريزه و حاجه اساسيه كدا ربنا حطها فيك احيانا بتنفث عن احلامك انك تقري روايات و قصص الغير و تحاول تعايشها و تحلم تكون زيها اوي و انتا ابيض يا ورد ما شوفتش الشارع كتير و لما تفوق تحس انك عاجز او تقعد تصبر نفسك بالحلم الوردي الي حتما مش بيجي الا للاصغر سنا و الاحسن حظا و الاوفر واسطه او تناااااااااااااااااااااااااااام خد طبق فول قد الجردل ولا بيتزايه قد السجده المدوره او طشت ايس كريم و ادفن همك فيه و نااااااااااااااااااااااااااااااااااااااام و لما بقي تحب تحتج يا جميل و تصرخ او تفوووووووووووووووووووووووووووووووووووق اولا محدش سامعك و كأنك مجنون احمد ربنا يا حمار انتا واكل شارب نايم او خلاص فات الوقت يا غبي جاي تصرخ دلوقت ما كان من بدري و انتا في الثانويه ولا الجامعه جاي تتخرج و بعدين تحلم جاتك الارف و بعدين يعدي العمر في حسره وضياع مستمر او الرضا باي وظيفه حتي لو مش علي قد طموحك و بأي شريك حياه حتي لو معتوه او ربنا سخطه و ربنا يكرمك بقي في ولادك يا رب و يصفر فرعك و يموت يعني من الاخر الطموح المكبل بسلاسل بيخلي صاحبه انسان معلب في can و بيخليه يصفر و يموت مع الوقت و بيخليه ميت و هوا عايش و بيحوله لكائن محبط الناس كللها تقول عاليه الله يلعن معرفتك يا اخي انتا نكد و بيخليه مدمن تجمد و عدم مبارده برعايه اللوبي الاحباطي الي لو صرخت يصادر عاليك و يخليك انسان مع وقف التنفيث ربنا يكرم الناس كلها و يزودها بفضيله المعافره في الظروف الصعبه و ينتصر علي لوبي الاحباط و يبقوا بني ادمين اشغال شاقه باذن الله مش مع وقف التنفيذ حلو تهييس اخر الليل دا بس واقعي .........

هنشر بعض الي كتبته زمان

زي ما بيقولوا مين فات قديمه تاه...

و لاني مؤمنه بالمثل دا الي حد كبير

هوالي نشر بعض الي كتبته ف منتدايا القديم زمان

لان بعض المواضيع ما اخدتش حقها من النجاح والله اعلم

بس الردود وقتها مكنتش متحمسه اوي و ماكانتش كتير

هنا انا هنشرها علي نطاق اوسع

و عشان تاخد فرصتها اكتر...

ها انا قد نورت الفضاء الالكتروني..اخيرا

ازيكم يا جماعه عاملين ايه...

اول مره ليا اعمل بلوج (مدونه) او اشارك حتي في مدونة

لاسباب كتير

اولا مكنتش مقتنعه اوي لان كان ليا مساحه التعبير الخاصه بيا في منتدي مشهور جدا غني عن التعريف

و لكن...دوام الحال من المحال

ثانيا ...خايفه و لسه خايفه لمحدش يقري لي خالص او يضيف مدونتي عنده

ثالثا ...الرقابه عالمدونات...دي اهم حاجه..يعني لو كلمه كدا الله اعلم بقي ايه هيحصل

رابعا...بقي خايفه من سرقه المحتوي

بس كل الاسباب دي اختفت لما لاقيت ان مساحتي من التعبير اتحجمت اوي عن زمان في مكاني القديم

قولت اهاجر

و ربنا يوفقني بقي و المحتوي و القالب يعجبوكوا

بس..............